Urdu Shayari

Tumhain Koi Yaad Karta He

Ae " Chand "

Jab Wo teri taraf dekhain

To unhain kuch yaad dilana

Mudhar se kuch geet sunana

Aur kehna......!

Tumhain koi yaad karta he

Teri aarzo teri umeed karta he

Zaid_koi aaj bhi

Tumhain dekh ke eid karta he

Wo geet !!!

Jo tum ne suna nahi _

Meri umer bhar ka reyaaz tha _

Mere dard ki,

Wo dastaan thi _

Zaid jise tum ne,

Hansi main urra dia _ _ _

Hum darte hain

Hum tumhein rango se khelna

Chero ko parhna

Sikha to dain

Magar _ _ _

Hum darte hain zaid

Phir tum har chera be-naqab kar dalo ge

Jis karwat lete the hum tum

Chand tumhari pechani ko chom raha tha

Dekho janah _ _ _

Chand wahan se hijrat karke

Peroun tak aapocha he

So jao _ _ _!

Baqi batain kal kar lain ge

Zaid_mera kia he

Lekin chand ko sona he

Gile Baloun Se Chunta Soraj

Shoukh Kiran ne

Gile resham baloun ko jis lamha choma

Be sakhta hans di

Palkoun tak aate aate _ _ _

Soraj ki hansi bhi !!!

Gori ki muskan ki sorat

Zaid saat rang main bheeg chuki thi !!!!!

neli, kali, bhori akhien

chamkili, badami akhien

tankhy, shorkh sherabi akhien

thanhky, hoe se bogli or nandasy akhien

bhooki akhien, nanghi akhien

akhaon k os bojh se dab kr mer jaye gi

zahid piamal ki piamal akhien

Ab Barsat Ki Ratoun Main

Tera phelo tere dil ki tarah abad rahe

Tujh pe guzri na qayamat shab-e-tanhai ki

Us ne jalti hoi peshani par jab hath rakha

Roh tak aagai taseer misahi ki

Ab barsat ki ratoun main badan totta he zaid

Jag authti hain ajab khuwahishain angrai ki

In bhegi bhegi aankho hum dhere dhere bolain ge

Sub bhole bhale razoun ko hum chupke chupke kholain ge

Phir tip tip aanso tapkain ge aur rim jhim barish barse gi

Is dil ki khani kehne ko har dharkan dharkan tarse gi

Phir gulshan gounje gi awaz meri faryaad mari

Kantoun main chupe ga gham tera,pholoun main mehakti yaad teri

Phir panchi bin bin jaain ge aur mere geet sunain ge

Jo bhool gaya he wada to,zaid phir tujh ko yaad dilain ge

Jab Kabhi

Chand tare jab us aangan se guzarte hounge

Sham wo log hamain yaad to karte hounge

Aik ye subha ke weran he guzargahe khayal

Aik wo subha jahan bal sanwarte hounge

Jab kabhi choriyaa taakra ke khanakti houngi

Ghar ki tanhai main kia rang bikharte hounge

Aik ye sham ke bhegi hoi palkain hain wohi

Zaid aik wo sham jahan chand autarte hounge

Aaina jhoot bolta he

Har shakhs ke chere pae

Na jane kitne chere hote hain

Kahan ye kisi ka sacha roop bayan

Karsakta he

Kisi ki fairat

Kahan zahir hoti he

Ye kahan diloun ke bhed kholta he

Zaid aaina jhoot bolte he

Love for Someone Special

Bus intezar he

Wo mehakti hoi raat

Kab aaegi jab_ _ _

Mere sene pe tera sar hoga

Aur

Mere hath tere baloun main

Ye tere phool se hont jinhain

To sharam se danto main daba leti he

Ye sirf mere honge

Ye tere mur mure se hath

Ye Sharmati hoi nazar

Ye jhuk kar uthti hoi aankhain

Ye sub meri hongi

Bus intezar he

Wo mehakti hoi raat

Kab aaegi jab_ _ _

Wo mehakta hua shadab badan

Meri jageer hoga

Ek haseen khuwab ki tabeer hoga

Jo sulagti hoi ratoo ka andhera hoga

Jo mehakti hoi subha ka ujala hoga

Jo sub mera hoga

Bus intezar he

Wo mehakti hoi raat

Kab aaegi jab_ _ _

Zaid_ye sub mera mera hoga

Bus intezar he_ _ _

Ye khobaro log jin ki aankhain

Tumhare ujale badan par chaspa

Tumhare nakhsh-e-qadam ki khoushbo

Sabt aese

Bhanor main jese hina ke patte

Main sochta houn

Ke itni aankho ke dairo main

Meri akeli

Udas aankho ki

Hesiat kia he

Meri wafa ka mukam kia he

Zaid_meri mohabbat ka nam kia he

Honour of Love for Someone Special

Tab hum kia the ab hum kia hain

Tab sardio ki naram dhoop thi

Sardiyoun ki udas shamain thi

Sard ratein thein,ab garmiyoun ke din hain

Halat ki tapish se khuwahish jal chuki hain

Zindagi ki shama par kitne arman pighal chuke hain

Maloom nahi _ _ _

Tab har lamha kisi ko yaad karte the

Ab kisi bhi lamha koi yaad nahi aata

Tab hum kuch keh nahi pae

Ab hum kuch keh nahi sakte

Tab hum kia the zaid ab hum kia hain

Agar tum aaina dekho

To apne aap se nazrain chura lena

Ke aksar be-wafa logoun ko

Jab wo aaina dekhain

To unhain aankhain chor lagti hain

Urdu Love Poem With Attract Design

Aaj ka din udas lagta he

Jane kon aas pas lagta he

Ajnabi he magar phir bhi mujhe

Bhegi aankho ki piyas lagta he

Dil ki dharkan ko rok do yaro

Dil dharakta udas lagta he

Aaj kia bat he mizaj un ka

Khush pholoun ki bas lagta he

Kesa andaz-e-yaad he to

Aati jati si sans lagta he

Wo koi zindagi nahi zaid

Phir bhi jine ki aas lagta he

Chand sitaroun ke shehar main

Afsanoun ke nagar main

Koi apna

Chahne wala hota

Aankhoun main basne wala hota

Ae zaid !

Koi apna hota

Beautiful Urdu Love Poem With Attract Design

Pheli bar

Siatara banna

Dosri bar bikhar jana

Pheli bar

Therna dil main

Dosri bar guzar jana

Pheli bar

Use khat Likhna

Dosri bar jala dena

Pheli bar

Mohabbat karna zaid

Dosri bar bhula dena

Agar wo meharban hoti Mere zakhmi hatheli par

To meri aankho main Wo ek phool dehar deti

Na jhalmalati nami na hoti Mere hatho ko apne hatho main lekar

Na mere dil ki wadi main Wo ye kehti_ _ _

Khiza ka qafla rukta Mohabbat roshni he,Rang he

Agar wo meharban hoti Khushbo he, Sitara he

Mere be-noor aankho main Qasam mujh ko mohabbat ki

Sitare qaid ke deti Mujhe to sub se piyara he

Zaid_magar aesa wo tab kehti

Agar wo meharban hoti

Sad Nazam In Urdu | Her Cold Face

Har kisi ke chere par

Ek ziya si hoti he

Rukh ke aik hisse main

Husun ke ilake main

Ek udasi hoti he

Us ko mene dekha tha

Garam khomahinoun main

Ek khushi ki mehfil main

Ek taraf khare tanha

Jis taraf ko raste the

Jin ke sath galyaan thein

Jin main log badte the

Be-kashish makanoun main

Jese chand ratain thein

Us ke sard chere par

Zaid _ _ _

Khushgawar aankhein thein

Ek pagal si larki

Pocha karti he ye mujh se

Kyun itni mohabbat karte ho tum

Us ko kese ye samjhao_ _ _

Aankhain jheel samandar houn tou

Doobna acha lagta he

Chera ho jab ghazal ki manind

Parhna acha lagta he

Mile rehna,bate karna

Hansna acha lagta he

Aese main to jena acha

Marna acha lagta he

Ek pagal si larki aksar

Pocha karti he ye mujh se

Kyun itni mohabbat karte ho tum

Zaid_us ko kese ye samjhao

Do Aankho Se

Hum ne un ko

Itna dekha

Do aankho se

Jitna dekha ja sakta he

Lekin phir bhi, do aankho se

Zaid_kitna dekha jasakta he??

Wo aankhein kesi aankhein thi
Main ab tak maho herat houn
Ajab shesha gari thi wo
Ajab jado gari thi wo
Bari herat se takte the
Ye meri zaat ke zarre
Ke is ki nigah-e-khas ne
Aesi tajalli ki
Ke meri zaat jo koh-e-girah thi
Reza hogai zaid
Wo aankhein kesi aankhein thi

Kha tha khuwab mat dekho

Ke in ke tootne se

Karchiyaa aankho main

Chubti hain _ _ _

Phir zaid aankhein khoon roti hain

Ek Sapris

Jo kisi bhi same

Aik ashara khunodi pe

Wapis

Parvaz kar jati he

Zindagi

Ek bulbula pani ka

Ek halka sa jhonka hawaka

Use dour,bohut dour

Sub se dour , le jata he

Zindagi ! ahtiyat !! he zaid

Bus aur to kuch nahi

Jado gir thi aakhaye os ki

Batain karte hont achanak ruk jate aur

Aankhein us ke piche piche chal parhti thi

Dihan kar rasta kho jata tha

Mehfil main jis simat wo jati

Kamre ka wo hissa jese yakdam roshan hojata tha

Jado gar thi aankhein us ki

Palkein thi ek raaz !

Roh main jhil mail kar deti thi

Zaid aesi thi aawaz !!!

Dour reh kar na karo bat,qareeb ajao

Yaad reh jaegi ye raat,qareeb ajao

Ek muddat se tamanna thi tumhain chone ki

Aaj bus main nahi jazbat,qareeb ajao

Sard jhounko se bharakte hain badan main shole

Jan lele gi ye barsat qareeb ajao

Is qadar hum se jijagne ki zarorat kia he

Zaid zindagi bhar ka he ab sath qareeb ajao

Kyun Mere Piyar Main Pagal Nahi Hota

Kyun jism teri rooh se jal thal nahi hota

Rishta ye adrora sa mukammal nahi hota

Kese main kaho to he mere piyar ka mujrim

Itna hasee to koi bhi qatil nahi hota

Ye rah-e-mohabbat he mohabbat ke safar man

Kinare nahi hote koi sahil nahi hota

Banhoun main mujhe le ke kha us ne zaid

Kyun mere piyar main pagal nahi hota

Is mousam ki barish

Kuch bhi nahi, lekin

Teri yaad ki barish

Har pal_ _ _

Mujhe bhigoti rehti he

Zaid meri aankho se

Musalsal Barish hoti tehti he

Mera Chera Mere Halat Ka Aaina He

Mera rona mere jazbat ka aaina he

Ye khamoshi meri har bat ka ka aaina he

Kis tarah kardoun use khud se juda

Wo jo ek shakhs meri zaat ka aaina he

Aankh main phir koi darya na autar aae kahein

Meri aankhein kisi barsat ki aaina he

Be-basi meri teri tishna labi jesi he

Meri har bat teri bat ka aaina he

Jo bhi chaho meri sorat main dekh lo zaid

Mera chera mere halat ka aaina he

Us ne mere hath main bandha
Ujala kangan bele ka !!!
Phele piyar se thami kalai
Bad us ke hole hole phenaya
Gehna pholoun ka _ _ _
Phir jhuk kar hath ko chom lia !
Murjha hi gae
Lekin meri ratain un ki khushbo se ab tak roshan hain
Banho par wo lams abhi tak taza he
Phool ka gehna _ _ _
Prem ka kangan _ _ _
Pyar ka bandhan _ _ _
Zaid ab tak meri yaad ke hath se lipte hoe hain

Mahina He December Ka

Mahina he december ka

Ajab hi rang hain is ke

Judai ke andhesho se bhari

Thandi siya ratain

Milan ki aas se arasta

Shab-o-rooz haim sare

Juda hona muqaddar he

Ya wisal hi naseeba he

Ye koi bhi nahi jane

December aan poncha he

Zaid ye sub kuch to wohi jane

Tumhein pane ki khuwahish main
Kasara hi kasara tha
Tumhara hijar bi mushkil
Tumhara wisal bhi mushkil
Jo mil jate
To khuwaboun ka weran hojata
Jo bichare ho
To dil ki be-qarari jao dani he
Tumhein pane ki khuwahish main
Kasara hi kasara tha
So hum ne tum ko pane ki
Tamanna rond dali he
Khasare se nikalne ki
Zaid yehi sorat nikali he